هَمَسـآتْ   أحــرُفٌ مُكْـتضَّـــــــةٌ ..

حبيبي لاتجيني قول وين انت وانا اجي لڪ
ابيڪ تقول وين انت وعلى عيوني اسعى لڪ

وربي فوق روس الشوق لخلي القلب يمشي لڪ
و اخلي ظلالي يسبقني قبل يحظني منزالڪ

ثواااني بس ابتهندم من عيونڪ وباهدي لڪ
في عينڪ ضحڪة حتى تڪحل عين عذالڪ

يقولوا الناس بغيابي يشب القلب ويضوي لڪ
حنوني ولوهد شوقه يميل القلب لامالڪ

قضى دمعي من عيوني ابي من عينڪ ابكي لڪ
ابنثر من ورا عيوني دموع عيون ترحالڪ

تعبت اهرب من الاشياء البسيطه من تفاصيلڪ
تعبت اسأل زوايا البيت عن اول واخر اخبارڪ

وحتى الشوق من صبح الدرايش قام يهدي لڪ
عصافير الرضاا ترفرف على بيبان مدخالڪ

انا من الليل يقطفني شعوري لڪ واغني بڪ
انا من الصبح يليلني الحزن من لون موالڪ

حرام الليل ماهو ليل اذا ماڪنت في ليلڪ
وحرام الصبح ماهو صبح اذا ماڪنت بظلالڪ

تروح وقلت احط روحي على ڪفي واناديلڪ
نزعت العمر من شفت الغلا بالروح نادى لڪ

بربڪ قول وش سوى الفراق بوجه منديلڪ
تسيل الوان طيفي فيه الى من البڪى سالڪ

حبيبي لا يبڪيڪ الفراق ولا يهد حيلڪ
اخاف الدمع من عينڪ يجفف صورتي في بالڪ

تعال احتاج اسولف لك عن الايام واشڪي لڪ
وافض غيم الحزن وانثر حنين الشوق بأقبالڪ

تعالي وحط في قلبي هموم الفرقا واشيلڪ
لان القلب ماهو قلب اذا في نبضه ماشالڪ

وقف دمعي من عيوني ابي من عينڪ ابڪي لڪ
اخاف ابڪي من عيوني وابعثر جيت وصالڪ