لمى ،

يا سرعها أيام ثالث تمشي ،

خلصنا الترم الأول تقريبا وما بقى غير اسبوع مراجعة + أسبوع نغيب نذاكر + أسبوعين الاختبارات ..

ايامها تركض تركض تركض ! ..

السبت اختبرنا رياضيات كالعادة :]

اختباري هذا مرة حلو إن شاء الله عشرة ..

الاحد وش صار ،

أختبرنا نحو ، وتوحيد .

النحو حلو الحمدلله ،

التوحيد صرقعت صرقعة ههههههههههه

مثال على الطيرة : رجل سمع كلمة ضعيف فتشائم في اختباره ،

مثال الفأل : رجل سمع كلمة ممتاز فتفائل في اختباره :]

خخخخ ،

الاثنين وش سوينا ،

نسيت ،

الثلاثاء كان اختبار عملي حاسب ..

خبالة الاستاذة راجعت لنا المسألة الي بتجينا بعد شوي بالاختبار ، الله ما أبهانا :]

الاربعاء اختبرنا فقه ، وأدب ، الحمدلله حلوين ..

وش صار شيء غريب هالاسبوع !؟

ما صار شيء غريب ،

بس متخلفين بهالمدرسة

للحين بس باقي لنا بالأحياء فصل وزيادة ،

والفيزياء فصل ،

والكيمياء فصل ،

والرياضيات 3 دروس ،

محد خلص المنهج ،

مرة بطيئيييييييييين ،

الترم هذا مرة قصير بالنسبة للعام ، أتوقع هذا له دور ..

بس صراحة الاستاذات بطئ ،

أجل كل المواد العلمية زيادة حصة + ما يغيبون أبد بس الفيزياء واجد غيابها ..

وعلى هذا كله للحين ما خلصنا ،

والله من البرود :]

الحين بديت أذاكر ، عشان أجيب نسبة كويسة ..

حطيت نسبة ببالي وإن شاء الله وبتوفيقه بجيب أعلى منها ..

98.6 %
الله ييسر ..

دعواتكم اليوم آخر يوم نتيّ :]

كل ما دعيتوا لانفسكم أدعوا لنا :]

والله يوفق الجميع ..

ماصدق سرعة الأيام ..

السبت أختبرنا رياضيات كالعادة !

الأحد سوينا حفلة مع الفصل الجميل ،

يسمع بالحفلات فصلنا

قبيح جدا ، شلل متفرقة ومابينهم أي علاقات ..

جلسنا مع بعض ، بعض البنات اصلا ما جوا

وكل ناس يسولفون لحالهم ..

أهم شيء جمانة  ” هذا المقطع طلبت جمانة أمسحه  > كأن أحد بيقرا التدوينة غيرها :] “  هههههههههه ..

وتقى بعد ، انشودتها خطيرة عجبتني

الاثنين الي هو الاربعاء المصغّر

اختبرنا كيمياء ، أن شاء الله آخذ عشرة كاملة ()

الثلاثاء سووا لنا محاظرة مرة تجنن عن العفو ..

أنسجمت معها مع أني كنت بردانة وجمدانة إلى آخر حد وأبي نسكافيه ،

كانت تتكلم عن العفو ، مرة أشياء تجنن ()

يارب أقدر أطبقها ..

الاربعاء الي هو اليوم ،

أختبرت انجليزي ، كاك عقب العشرات الي بدون اضافي فجأة نص الفراغات ماحليتها ..

لأني ما ذاكرت وش أسوي

كان مفروض نختبره أمس ، بس طارت حصة الانجليزي مع المحاظرة ،

واختبرت أحياء ، الحمدلله مرة زين بس فيه خطأ .

مرة حسافة ، بس كذا مدري ليش جاوبت خطأ

يالله قدر الله :]

اليوم بعد ما دخلنا بعد الفسحة

لقينا ناس غرباء بفصلنا ، وحايسين أبو الفصل ،

وهذاك الشيء الي ينفقع ويطلع أوراق مسوينه ،

وفصلنا كله أوراق ومقرف شكله ،

طبعا منال القوية هاوشتهم أحسن يستاهلون ،

وكل ما دخلت علينا استاذة تجلس تطالع فينا وتقل ما اعجبناها بعدين نشرح لها الموضوع وإن مالنا دخل :” ..

المهم أنهم قليلات أدب وما يستحون ،

في سالفة تضحك

الآنسة جمانة ما تقدر تداوم إلا بجوالها ،

تخاف تضيع مثلاً أو يسرقها وهيب ..

طبعا هو جوالها قدرات خارقة ، بس تدق على 999 تطيح قنبلة على أي شخص يحاول يسرقها أو أي شيء ، كذا هو مبرمج جربوه اختراع قوي صراحة ،

المهم أن يوم الاثنين

دخلت المراقبة مدري المشرفة التعليمية :]

قالت بناات ، حطوا شناطكم ع الطاولة وعباياتكم ،

وجمانة أول شخص قدام الباب / يعني هي الي بتبدا فيها  ،

وتجلس لمى وش الواجب ؟

ويدها بشنطتها خخخ .

وحطته بجيبها وفتشت الاستاذة شنطتها وانتهت هذي السالفة ونجت الحمدلله

يوم الثلاثاء بحصة الحاسب ،

الاستاذة تشرح ومتحمسين ..

فجأة شيء ” قرآآني …. ”

يا عيني ، رن جوالها خخخخخخ بس الحمدلله محد انتبه

والله يا قلبي مادري أين ذهب ..

ولا زالت مصرة ما تداوم إلا بهذا البطل المغوار ن2 ..

مع السلامة ()

أخيرا صار عندي سواليف حقة أسبوع ، هذا الاسبوع طويل وقصير مدري شلون أوصفه ، كأني أمس كاتبة تدوينة الاسبوع العاشر ..

بس اذا تذكرت متى حفلة الفصل احسها يا بعدها خخخ ..

أسبوع الاجازة ،

مرة فاضي .. < عشان الاثنين والثلاثاء ماعندنا اختبار خخخخ ..

الأيام تمشي بسرعة ،

وشدييدة التشابه ..

الله يسعد أيام ثالث ويطولها على خير ..

ويحفر في قلوبنا ذكريات ما تنسي عن ثالث _ حلوة طبعا _ ..

* اليوم رحت بشرى ، وشفت بنات 32 ..

وحمدت ربي أني ما صرت أشوفهم كل صباح :]

بسم الله الرحمن الرحيم : ]

هذا الاسبوع التاسع من ثالث ثانوي الي تركض ركض ..

مع أني أحس أول يوم بعيد خخخ ..

عموما الحمدلله على هذه السعادة () ،

السبت كان عندنا اختبار رياضيات ، مرة كويس .. أن شاء الله عشرة ()

الأحد فيزياء . برضو سعييييييد ان شاء الله بعد عشرة ..

الاثنين كيمياء .. يعني حليو خخخ ..

الثلاثاء انجلييييييييزيييييييييييييييييييييييييييييييييييي ..

أخذذذذذذذذذذذذذذذذذذذت العشرة رقم 2 بدون اضاففففففففي أيضااااااااااا ,.. والله ياهي سعيدة عشرة الانجليزي ، والله يا أنا أحس بأكبر انجاز بحياتي هههههههههههه ..

الحمدلله ،

الإربعاء ..

الي هو اليوم أحياء ، مرة حلو ..

يعني مذاكرتي كانت مشي حالك خخخ ..

وش صار مواقف بهالأسبوع خ1 ..

الثلاثاء سويت قهوة بيدي الكريمتين هع هع ،

بس ما شربت منها هع هع ،

منال تقول انها لذيذة ، لكني لا أرى ان لونها اصفر < هو القهوة الي لونها أصفر حسب معلوماتي هي ازين قهوة بالعالم خخخ ..

وجبنا فطور اليوم خ1 ،

وصرنا شلة على قولة جمانة خخخخخ .. امنيتها التي لم تتحقق بعد :p

وبس :]

في مثل هذا الوقت من 18 سنة كانت امي بالطريق للمستشفى ..

وولدتني الساعة 2 ، بعد معاناة خخخ ..

وكان عمرها 18 سنة !

1413 هـ

1431 هـ ..

()

* اتمنى من قلبي .. تتذكر هذا اليوم مثل ما عديت لميلادك .. !

أيام ثالث صارت تركض ركض ..

وأسرع من السرعة على قولة أبلة الأحياء .. :]

السبت اختبرنا رياضيات :] أخذت عشرة بسم الله ما شاء الله ههههههههههههه ..

أبلة الرياضيات أحسها تتحير من أمري :]

مرة 10 ومرة 6 وربع خخخ

عدت الاختبار المدري كم ، لأن درجتي فيه مخيسة :] وحليت حلو نوعا ما مع بعض من التأليف والتصريف والنصب والشلخ خخ

بس أن شاء الله تصدق أني فاهمة وأجيب عشرة ، صدفة مثلاً :]

الاحد اختبرنا توحيد ونحو ،

الحمدلله مو سيئات يعني ، بس ما أتوقع عشرة ..

مع أني بما اني اخذت 10 بالأنقليزي وبدون أضافي صارت تطيح من عيني أنقص ربع درجة بباقي المواد < يقلع ام الذل صح أزعجتكم بعشرتي الي أخذتها ؟

طيب شسوي فرحانة :]

الاثنين أختبرنا حديث .. أخذت عشرة الحمدلله ،

الثلاثاء فيزياء ، حلي مرة حلو .. أن شاء الله عشرة :]

الاربعاء الي هو اليوم اختبرت أدب مخيس كالعادة ..

درجاتي بالمواد العلمية مرة زينة ، وتجي الأدبية تخسف نسبتي ع4

مفروض يحطون قسم علمي خالص ، للأذكياء أمثالي :]

وقسم أدبي خالص ، وقسم مختلط :]

ان شاء الله لو صرت يوما ما وزيرة التعليم مثلا أو منصب كبير راح يكون التقسيم كذا .. بس عطوني آرائكم ؟ مو فكرة حلوة !

أحسن صدفة بالدنيا ،

فجأة الفجئات هههههههههههه

عندنا استاذة الدين ( حديث وقرآن )

دايم إذا ضحكت اتذكر أ. وفاء (L)

وأقول لجمانة ومنال ما يصدقوني ، والله زي ضحكتها ..

المهم ذاك اليوم تمشي .. وأقول لجمانة شوفي مشيتها تشبه أ, وفاء وقسم (L)

عاد اليوم بحصة القران تعلمنا كيف نقرأ آية طويلة بنفس واحد ،

وكيف إن إستاذتها علمتها وووو …

وتمدح أستااذتها وهكذا ..

بعدين قالت الله يجزاها عنّي كل خير أ, وفاء الـ ….

أنا وجمانة طلعت عيوننا مواهاهاهاهاها

عرفت سر الشبه ، هذا الشبل من ذاك الأسد (L)

عاد ومن هذا المنبر ()

أقول أني اشتقت لحصص أ. وفاء شوق عظيم لا تصفه الكلمات ,.

تعالي درسينا صبح مساء والله ما أمل ولا شيء

أنا حزينة أبغا أ. وفاء ..

بنات 14 ، ممكن سلف ؟

قبل كم يوم قالوا لنا أن فيه اجتماع امهات يوم الاربعاء

ووزعوا علينا اوراق وهكذا ،

المهم بالموضوع ..

أعطونا اوراق مكتوب عليها ، موعد اللقاء من 6 ألى 8 ونص ,,

وحنا محتارين يالله 6 ما بعد بدى دوامنا وما بعد طلعت الشمس من بطن الأرض ، كيف ذلك ؟

ومحتارين ويالله كيف كيف ؟

عاد أنا أحلل تحليل ذكي مرة ،

التحليل يقول : أنهم كاتبين من 6 لين 8 ونص عشان الامهات يجون بدري لانهم متعودين الامهات يجون متأخر ياللعار

المهم

يوم رجعت البيت أراجع الورقة أراجع أراجع خخخ

كاتبين تحت .

نرجو عدم حضور الطالبات والأطفال ؟

يالله حيرني هذا الأمر .. يعني ما نداوم الاربعاء ؟

المهم بالموضوع .. انتبهت أخيرا لكلمة .. مساء هاهاهاها

يا حياتي يا حنا ما تعودنا هههههههههههههههههه

طبعًا وكعادة الأسبوع الأول ..

بسرعة مشى ، بس كأنه تكملة لما قبل الإجازة ..

السبت صباحه تعيس لأسباب سرية
L ..

بس عدى على خير الحمدلله ..

سبت وأحد وأثنين بدون اختبارات مراعاة لمشاعرنا الرقيقة خخخ ..

الثلاثاء اختبار أنجليزي ،

مرة سعييد الحمدددددددلللللله ..

ذاكرته من أعماق أعماق أعماق عقلي الباطن والظاهر ..

والحمدلله جبت 10 / 10 وبدون أضافي < أظن محد بقى ما يدري خخخ ..

الحمدلله تمنيت من قلبي أجيب بدون اضافي عشان جهدي :]

الإربعاء الي هو اليوم ،

أحياء ، مرة كويس الحمدلله .. من تصحيح الاستاذة بعد الاختبار إن شاء الله بجيب 10
بدون اضافي بس مدري إذا فيه شيء ما انتبهت له عاد ..

صار موقف اليوم خخخ ،

بعد الفسحة كان عندنا رياضيات ،

استاذة الرياضيات كلش ولا تتأخرين عن حصتها :P

المهم بالموضوع بنت معنا بالفصل دايم تتأخر ودايم مشاكل < عكس بنات الفصل كلهم
مؤدبين ..

المهم كنا مجموعة متأخرين لأن كنا بالمصلى وبرنامج وكذا ما طلعنا الا متأخر

دخلتنا الاستاذة كلنا لأن كلنا بالمصلى ، عداها لأنها قالت انا بالحمام ومدري وشو

وهووووشة والبنت تحلف والله ما أوقع مخالفة وبدخل الفصل بعدين تدخل وتطلع الاستاذة

يعني سووا مسلسل :]

بعدين تجي المراقبة تحاول بالبنت تطلع عشان الاستاذة والبنت تحلف ومدري وشو ومسوية
الفتاة المعصبة ،

بعدين دخلت الأستاذة وبدت تشرح

كانت متنرفزة وووو …

المهم يوم رجعت البنت ،

فجأة تقولها يالله يا " …. " عازين نشرح ، وتضحك !

أنا يوم ضحكت حسيت بشعور مدري وشو !!

أسمعها عند الباب تقول ما يضحك !

رحممممممممت الاستاااااااااااااااااااااااااااااااااذة ..

تحززززززن ، حسيتها ضعيفة وقسم !

بعدين نهاية الحصة قالت انو يمكن أنا ظلمت ربى وما راح اوقع المخالفة حقتها ومدري
وشو !

موقف سيء
L

وين أيام 32 يوم تغلط الإستاذة وتغلط وتغلط ..

وأنت تاكلين تبن عشان درجاتك ..

وهنا الطالبة تغلط وتغلط ، والاستاذة شبه تعتذر منها قدام كل الطالبات
L ..

مافي حل وسط ؟

كل عام وأنتم بخير ..

وينعاد عليكم بصحة وسلامة يارب ،

السلام عليكم ورحمة الله وبركاته :] 

اليوم عندي شيء مهم بأتكلم عنه < عجائب الدنيا السبع :$ 

ماعلينا .. 

تعلمت كيف أحدث المدونة وكانت التجربة الأولى مدونة جمانة خخخ بس نجحت العملية ، 

صدق ان المدونة نص أنقليزي نص عربي مادري وش القضية بالضبط بس عموما أحسن من أول ! 

والحمدلله التجربة الثانية مدونتي .. وعقبال البقيّة .. 

نرجع للموضوع الأساسي لهالتدوينة ، 

بوريكم شيء أحبه مرة :] ، وأحب أسويه يمكن من سادس أبتدائي كانت البداية .. 

علمتني خالة جواهر () أدين لها بالكثير () .. 

وكنا أنا وجمانة نسويه بالطلعة ونكشخ قدام البنات خخخخخخخ .. 

< ترا يقالي بسوي مشوّقة الحين :]

والله الصوف شيء مهمّ في حياتي ..

في المتوسط كنت لمّا يضيق صدري أجلس أحوس فيه أحوس أحوس أحوس خخخ ..

بس والله شيء ممتع ،

أول شال سويته كان بأولى متوسط ، أو ثاني . نسيت بالضبط .. بس لبسته رسميًا بثالث متوسط :] والحين لابسته () ..

طبعا هذا الشال تقريباً كل بنات الـ 14 لبسوه ، ويالله ع الهوشات مع أ. حنان الله يذكرها بالخير ..

انهبلت كل يوم تمسك وحدة وتقول البنت خلاص آخر مرة ألبسه ، من بكرة تلقاه مع وحدة ثانية ونفس الموال خخخ ..

بس مرة شيء سعيد لمّا آخذه من بعد البنت ألقى ريحتها فيه () ..

وللحين ممنوع من الغسل خخ عشان كذا تشوفونه نظيف مرة :] ..

الشال الثاني .. أعطيته منال ، كان أبيض وفوشي وأصفر ووردي ..

يمكن هو أكثر شال ذوق خخخ ، الوانه متناسقة يعني :p

والمقاسات متساوية موب زي خوينا الي فوق

الثالث كان لجمانة ، نفس لون خطي هذا ههه وبيج ..

الثالث مع فطوم ، عنابي ببيج () ..

وكم مرة حاول خنقها وهي نايمة ههههههه ..

الرابع فطوم ظ لمّا كانت بتنقل من 14 عطيتها إياه :] وكنت مسويته بسرعة فتشوفينه قزم وعصقول خخخ ..

الخامس عطيته مامي () ، بعد طول انتظار ..

كل ما أسوي واحد وأنوي أعطيها ماش ما يضبط موب لونها الي ببالها .. وكل شوي نأجل ..

وبالأخير طلع هذا :

السادس كان لساره () ..

اعطيتها إياه لما رحنا الشرقية آخر مرة () ..

وسويته وحنا بالجبيل قبل سنة من هالوقت بالضبط ..

أبيض برمادي وأسود وأحمر ..

آخر شيء جالسة أشتغل عليه الي بأول صورة ،

وهنا صورة واضحة له ..

طبعا هو بطريقة مختلفة .. الشالات الي فوق كلها بالسنارة الي عودين خخخ

لا تسألوني عن الأسماء مادري ..

الآخير لا السنارة الوحدة ، – الي درس تفصيل بالثانوي أكيد درسه – ..

طبعا ما أكتمل وخلّص صوفي وعليها ..

إن شاء الله تصير التدوينة عجبتكم :]

بما إني تعبت وأنا أنزل الصور وأصور وكذا :]

وتراي نسقت وسويت حركات خخخخ ..

أسبوع سعيد D:
هماه الاسبوع الي يسبق الاجازة بس ..
السبت أختبرت الرياضيات ، خربطت خربطة :] بمناسبة أني جبت 10 السبت الي راح ،
الاحد كان فيزياء ، حسيت حلي حلو .. نقصت .5 عشان وحدة كالعادة ..
الاثنين كيمياء ، حلي حليو .. يمشي الحال :]
الثلاثاء كان يوم بدون اختبار استعداد للإجازة
طبعا البنات المدلعات 7 غايبات
والأدبي محد جاء ، يقلع الدلع الي عايشينه..
وأتفقنا الاربعاء نغيب ,.
مع أن أستاذة الرياضيات سوت عرض قوي :p الي تجي الإربعاء لها درجات النشاط ..
جتنا استاذة حاسب جديدة تحزن مسكينة الله يثبت أقدامها على قولة أ. رياضيات :p

الإربعاء رحت جامعة نورة ،
خلاص خلاص ، يا أدرس جامعة يا أترك الثانوي ..
حبيتها حبيتها حبيتها (L) (L)

خلاص خلاص أبي جاامعة ،
في بنات كثاااااار
وكلهم كاشخين
وكلهم الواحد يقدر يتفرج عليهم …

وشفت شبيهتي وطحت من عين نفسي .. ما توقعت شخص كذا يشبهني
وأنا غير معترفة بالشبه هع هع ، لاني ما شفت عيونها أصلا ..

أيه وبس :]

أجازة سعيدة ومفيدة للجميع ولي يارب ()